नाते तुझे नि माझे

नाते तुझे नि माझे केव्हातरी जुळावे
शब्दात सूर तेव्हा उमलून मोहरावे

जागेपणी सुरांचा लाडिक ध्यास लागे
ओठात धून येता डोळ्यात स्वप्न जागे
काहूर दाटलेले त्याला कसे कळावे

कोणास ना दिसावे हे बंध कोणते रे
संकेत जाणणारे ते गंध सांग ना रे
पाहून ओढ वेडी आकाश ही झुकावे

हृदयात आस आहे प्रत्यक्ष भेट व्हावी
हलकेच भावना अन मौनातुनी कळावी
नादावल्या क्षणांचे धुंदीत गीत व्हावे